Opismeyts

Kung Ikaw ang May-ari…

Posted on Oktubre 23, 2006. Filed under: Mahahalagang bagay, Opismeyts |

Sa isang pagawaan, gurang na ang mga tagapamahala at sa malaon at madali, dapat na silang mag-resign, at dapat na ring maghanap ng kanilang mga kapalit. Heto ngayon ang sitwasyon:

Isa sa minimithi ay ang posisyon ni Gurang A na isa sa pinakamataas sa pagawaan. Dalawa ang napipintong piliin para sa maselang posisyon.

Ang unang kandidato (na malapit na ring maging gurang 🙂 ) ay mahina ang kukote, hindi alam kung ano ang ibig sabihin ng chant, kung ano ang spelling ng committee, at hindi alam kung paano gumawa ng minutes of the meeting. Pero madali siyang pasunurin, madali rin namang kausapin. Kwidaw nga lamang sa mga mahahalagang desisyon, mahina kasi sa diskarte. At isa pa, KSP, walang etiketa, nagsasalita kahit di pa tapos magsalita ang kausap.

Ang ikalawang kandidato (na mas malapit nang maging gurang :-)) ay mayaman naman sa diskarte. Sa sobrang pagka-atribido, ginagamit ang sasakyan ng pagawaan ng walang pahintulot sa mga personal na lakad. Matalino kung sa matalino. Hindi mo nga matalo sa diskusyon. Palaging may kuru-kuro. Ipagpipilitan ang katwiran. Wala kasing mas magaling sa kanya. Higit sa lahat, huwag na makita ka sa alanganin, baka itsismaks ka. Headline ka na kinabukasan. Cannot keep a secret, ‘ika nga. Kayang i-deny ang sinabi, entonses, kaya kang baligtarin.  Mayroon pa, ang suma total, may pagkasinungaling ang tusong matsing.

Ngayon, kung ikaw ang may-ari, ano ang gagawin mo? Sino ang pipiliin mo para pumalit kay Gurang A?

Ang aking masasabi, dapat di na sila pinatagal. Maaari namang makita ang kanilang performance sa isang tiyak na panahon. Pwede naman silang tsugiin kung di nag-deliver, di ba? Pero ano ang aasahan mo sa isang sistemang niluma na ng panahon? Kung ako sana ang nasa poder ni Gurang A, ako ang malapit sa kalan he he.

Unang-una raw sa listahan ng mga requirements para mapalapit sa diyos-diyosan ay ang iyong loyalty, pangalawa ang trust, at panghuli ang efficiency. Kinda weird, diva?

Read Full Post | Make a Comment ( 3 so far )

Maganda Ka!

Posted on Hulyo 26, 2006. Filed under: Ang maging babae, Opismeyts |

Habang tumatagal ay gumaganda ka sa aking paningin. Paano naman ay kakaiba ang pananaw mo sa buhay. Para sa iyo, ang mabuhay na walang iniisip o binabalak na masama sa kapwa ay sangkap upang gumanda hindi lamang ang buhay kung hindi ang aura ng isang tao. Napakadali mong pakiusapan, hindi dahil sa ikaw ay utu-uto kundi dahil nauunawaan mo ang bawat sitwasyon, lalo na kung ang isang tao ay nangangailangan ng tulong.

Hindi mo pinalalampas ang pagkakataon na ituwid ang mali. Para sa akin, napakaganda ng katangian mong iyon. Ano ang panama ng karamihan na nakangiti sa harapan yun naman pala’y umiismid sa pagtalikod ko? Kaibigan, sa bawat tangka mong magtuwid ng mali, nadadagdagan ang mga nilalang sa mundo na natututong eksaminin ang kanilang sarili, at magtanto kung ang ginagawa ay tama ba o mali. At, oo, hindi sa bayolenteng paraan. Siguro, nahihipnotismo sila ng malumanay mong pagbikas sa mga salita, sabay diin.

Anong kaibahan marahil ang naramdaman ng mga taong may koneksyon sa inyong trabaho dahil sa maayos mong pakikitungo at pakikipag-usap sa kanila. Hindi nila dati ramdam iyon noon – na sila ay mahalaga din naman sa ikot ng proseso ng mga sistema sa trabaho.

Higit sa lahat, kahit na doble-antso ka, seksing-seksi ka pa rin dahil sa malinaw at bukas mong isipan sa sekswalidad. Swak na swak tayong dalawa pagdating sa bagay na iyon. Walang kiyeme nating pinag-uusapan ang mga bagay-bagay tungkol sa buhay may-asawa, tungkol sa ating asawa, at tungkol sa ating relasyon sa kama, este, sa kanila.

Sa ilang ‘magaganda sa paligid’, paano ka kaya ipagpalit kay ‘ganda’ na mas pipiliing mas maganda siya sa mga kaibigan o kasama niya para angat siya (akala lang niya yun), o di kaya naman doon kay kondesang palaging nakataas ang ulo o noo kung maglakad (na para bang kasali sa Miss Universe contest) pero iniwan naman ng asawa? ‘Lam ko, ‘lam ko, dapat ay dahan-dahan ako dahil may dahilan ang bawat sitwasyon, kaya lang di kita ipagpapalit kay kondesang akala mo ay ang selan-selan, pero wala namang pambili ng P15 na pansit.

Malaya nating pinag-uusapan ang tungkol sa Diyos nang hindi na iisipin pa kung ano ang iyong relihiyon o sekta. Mas mahalaga kasi ang pagsasabuhay ng mga salita Niya, kaysa magsabing “Ako ay Kristiyano!” na di naman kayang isabuhay. At totoo, mas epektibo ang pagsasabuhay kaysa sa pagdedeklara. Actions speak louder than words, ika nga.

Maganda ka, at lalong gumaganda sa aking paningin.

Read Full Post | Make a Comment ( 8 so far )

Liked it here?
Why not try sites on the blogroll...